صحيح أن الذهب صمتك ولكن ..!!!؟

صحيح أن الذهب صمتك ولكن ..!

*************

صحيح أن الذهب صمتك ولكن الكلام ألماس
وبين الصمت والكلمه تبعثرخافقــــي لمـــه

دخيل عيونك اللي ظللت برموشها الانعاس
تقول الي تقولـــــه بس أبيك تنطـــق الكلمه

إذا ما هو عشانك وعلى شاني وشان الناس
على شان العيــون الي تمنت طيفك تضمــــه

أخاف ان الزمن لو طال صمتك يلفظ ألأنفاس
واخاف ان الفؤاد الي سكنته ينحبــــــس دمه

حبيبي ضاقت الدنيا بعينــي واعتـــراها الياس
لبس ثوب الحزن كل الوجود وضاق به حجمه

وانا مثل الغريق اللي تبلل والعـــروق يبــــاس
حياتي بين صدك والرضـــا ما تقـــــبل القسمه

وش الدنيا بدونك لا عدمتـــك غير هم وبــــاس
قبل لا يعرفك خلك نسى فيها حــــروف اسمـــه

ويـــوم ألله جمعنــا والتقــى بقلوبنــا الاحســاس
توطنــــت الخلايــا والجســـد.والـــروح.والهمه

على صوتك رقص طيرالهوى بالصبح والأغلاس
ومن وصفك شرب وحي القصيد وطاب لي نظمه

هنيا للقلم لي بك كتــــب والحبــــر والقرطــــاس
لقى حتـــى أكبـــر عيوبـــك يسمــه الحسن عمه

وماتبغـــى فـــؤادي ينكسر غيره عليك أخماس
ألا..إلا..واغـــار من العطر لي يعجبك شـــمه

تجــــول بين ريضان المشاعرمثلما النسناس
حلالــك كل شي...ألأعـــذاب العاشـــق وهمه
ـــــــــــــ



منقوووولة

قصيدة أعجبتني أتمنى أن تنال أعجابكم

نقل مميز ورائع..!!

لا هنت على هالنقل يالغلا ..!!

ذائقه جميله ..!!.

تسلمي حسوستي على المرور


بمرورك سا رللقصيده معنى


تسلمي يالغاليه


وانتظرو جديدي